Euskal enpresetako administrazio-kontseiluetan dauden emakumeen kopurua % 22 izaten jarraitzen du

Emakumezko Enpresari eta Zuzendarien elkarteak antolatutako topaketak, finkatutako kuotetatik oraindik urrun dauden parekotasunari buruzko datuak bildu ditu

Bilbo, 2024ko otsailaren 26a. – Gaur, otsailak 26, astelehena, Bizkaiko Emakumezko Enpresari eta Zuzendarien Elkarteak (AED) 2024ko Enpresa Foroa egin du Bilboko Iberdrola dorrean, eta, bertan, ‘Emakume Enpresa Behatokiak’ 2023an enpresetako zuzendaritza organoetan zeuden emakume kopuruari buruz bildutako datuak aurkeztu dira.

Foro horretan, hezkuntzak STEAM lanbideak sustatzeko duen garrantzia aztertu da, horrela enpresak hobeto garatzeko.

Isabel Iturbe AED Bizkaiko presidentea foroaren buru izan da, eta Ainara Basurko Bizkaiko Ekonomia Sustapeneko diputatuak foroa ireki du.

Topaketan, aurreko urteko parekotasunari buruzko datu berdintsuak aurkeztu dira, baina finkatutako kuotetatik oraindik oso urrun daude. Horrela, euskal enpresetako administrazio kontseiluetako % 22a emakumeak dira, eta zuzendaritza postuetan dauden emakumeak % 24 dira. Isabel Iturbek laburbildu duenez, “ez da aldaketa esanguratsurik egon, aurrerapenaren erritmoak ere motelagoa dirudi. Bilakaerak egonkortasun-joera du”. 2023an, euskal enpresetako lidergo postuen aurrerapena moteldu egin da, eta horrek hausnarketa egitera behartzen gaitu.

“Garrantzitsua da azpimarratzea emakumeek aurrera egiten jarraitzen dutela, baina zenbait oztopoekin. Aldatzeko konpromisoa lortzeko, beharrezkoa da ekintzak egiten jarraitzea”, azaldu du Bizkaiko AEDko presidenteak.

Foroan, mahai-inguru bat ere egon da, eta bertan, Clara Arpak (NBEren Munduko Itunaren presidentea), José Galindezek (Solarpack kontseilari eta sortzaileetako bat) eta Miren Loyolak (Velatiako zuzendari korporatiboa) hartu dute parte. Luis Sala komunikazio aholkulari eta kazetariak moderatu du foroa, eta bertan, enpresak garatzeko STEAM lanbideak hezkuntzaren bidez sustatu behar direla aipatu da.

Bizkaiko Emakumezko Enpresari eta Zuzendarien Elkarteak (AED) egindako ikerketa, aurreko bi urteetan egindakoaren jarraipena da, bigarren mailako iturriak erabili ditu, eta Euskadiko 50 langile baino gehiago duten enpresetan oinarritu da.

Analisia honela banatu da: Euskadiko enpresetako Administrazio Kontseiluetan dauden emakumeak eta Euskadiko enpresetako zuzendaritza-postuetan daudenak.

Jakinarazi denez, iaz Euskadin goi-mailako ikasketak zituzten langileen % 58 emakumeak ziren. Era berean, erabaki-organoetan dauden emakumeen kopuruari dagokionez, “ezberdintasun esanguratsuak” daude oraindik.

2023an, zerbitzuen sektoreko enpresek jarraitzen dute izaten emakumeek betetzen dituzten zuzendaritza-karguen ehuneko handiena dutenak.

50 langile baino gehiago dituzten mila euskal enpresa baino gehiago aztertu ondoren, administrazio kontseiluetan dauden emakumeen kopuruak % 22 izaten jarraitzen du, aurreko ekitaldian bezala, eta horrek erakusten du “genero aniztasunera iristeko eta gomendatutako gutxieneko % 40ko kuota lortzeko oraindik asko falta dela”.

Gainera, euskal enpresetako zuzendaritza-postuetan dauden emakumeek % 24 izaten jarraitzen dute, aldaketa nabarmenik gabe, eta enpresa handienak dira postu horietan emakume gehiago dituztenak.

Bizkaiko Emakumezko Enpresari eta Zuzendarien Elkarteak (AED) erabaki aktiboa azpimarratu du, eta premiazko neurriak hartzearen garrantzia. “Ekitatea sarbidean: hautaketa-prozesuetan gardentasuna handitzearen garrantzia azpimarratuz.

Lan malgutasunarekiko konpromisoa: bizitza pertsonala eta profesionala bateragarri egiteko antolaketa-kultura garatzearen alde eginez”. Hazkuntza eta lidergoa sustatzeko garrantzia azpimarratu dute, emakumeek zuzendaritza-postuetan gehiago parte har dezaten.

Ez da ahaztu behar ikusgarritasuna eta onarpena garrantzitsuak direla, emakumeek aukerak izan ditzaten. “AEDn eremu horietan lan egiten jarraitzen dugu, arlo pertsonaletik globalera lan egiten eta gure sareak sustatzen”, esan du Isabel Iturbek amaitzeko. Txostenaren aurkezpenean Bizkaiko Ekonomia Sustapeneko diputatu Ainara Basurko izan da, eta Europako egoerarekin konparatu ditu Euskadiko datuak, genero-berdintasunaren indizeak berrikusiz, eta zera esan du: “urteetan aurrera egin dugu, baina ez da nahikoa.

Kopuru hauek finkatu behar ditugu eta aurrera egiten jarraitzeko neurriak hartu”. Enpresetan dauden emakumeen ikusgarritasuna sustatzen jarraitu behar dugula esan du. Eta zuzendaritza-postuak hartzen jarrai dezaten laguntzea. Amaitzeko, ekintzara pasatzeko deia egin du, “enpresa eta profesional guztiak STEAM talentuaren garapenaren alde egiteko eta gizartearentzat hain garrantzitsua den talentu hori erakartzeko konpromisoa hartzeko”. Ondorengo mahai-inguruan, Clara Arpa NBEren Munduko Itunaren presidenteak adierazi duenez, “datuek ez dute aurrera egiten, eta geure buruari galdetu behar diogu nola heldu garen une honetara. Gorago iristeko, zuzendari izateko, ahalegin handiagoa egin behar da”.

Bestalde, Miren Loyola Velatiako zuzendari korporatiboak azpimarratu duenez, “egoera hobetzeko, erakundeetatik eta gure erantzukizun-eremutik lan egin behar da, baterako konpromisoa izan behar dugu”. José Galindez, Solarpacken kontseilari eta sortzailea, baikorrago agertu da esanez “aurrerapen handia egin dela, gaur egun emakume guztiek nahi dutena ikasi dezaketelako, nahiz eta oraindik zenbait oztopo egon”. Galindezek ontzi-ingeniaritza ikasi zuen, eta zera esan du: “STEAM lanbideetan emakume gehiago egotea ona da, arazoak konpontzen irakasten digutelako.

Entrenamendu ona da, baina hautaketa ez da lotu behar goranzko lasterketarekin, zuzendaritza-postuetan eta administrazio-kontseiluetan egoteko lasterketarekin”. Amaitzeko, honako hau adierazi du: “zuzendaritza-postuetan eta administrazio-kontseiluetan emakume gehiago egoteko muga sozial bat dago.

Zeregin proaktiboak egin behar dira, gizarteari oro har planteatu behar dizkiogunak; gizonen eta emakumeen arteko konpromisoa izan behar da”.

• AZTERKETA OSOA IRAKURTZEKO, EGIN KLIK HEMEN